زراعة الفسائل – من استلام الفسيلة حتى الزراعة

نجاح مشروع النخيل بيبدأ من اختيار الفسيلة…. 🌴🌴

في البداية لازم تختار صنف مناسب للمنطقة اللي هتزرع فيها، وده بيتم حسب الاحتياجات الحرارية لكل صنف وكذلك درجة ملوحة مياه الري والتربة
وبعد اختيار الصنف المناسب بيتم اختيار الفسائل اللي هيتم فصلها واعادة زراعتها..

🌿ومن أهم الشروط الواجب توافرها في الفسيلة الجيده:

• 1️⃣ وزن الفسيلة يتراوح بين 20:25 كجم.
• 2️⃣ قطر الفسيلة لا يقل عن 18 سم.
• 3️⃣ خالية من الأمراض الفطرية والاصابات الحشرية وخاصة (سوسة النخيل ).
• 4️⃣ قلب النخلة ( الجمارة ) يكون سليم ومفيهوش اي اصابات اثناء عملية الفصل

🌿وبعدين ياجي دور عمليات ما قبل الزراعة:

1.ازالة المجموع الجذري القديم.

2. او تطويش المجموع الخضري على طول 40 سم

3. ازالة الكرناف الزائد.
4. تغطيس الفسيلة في محلول مضاف له مبيد فطري ومبيد حشرى وذلك لقتل اي اصابات موجودة بالفسيلة .

🌿وبعدين جه دور الزراعة

واول حاجه لازم ناخد بالنا منها هي:
– تخمير مكان الزراعة قبل الزراعة بمدة جيده عدة مرات حتي يتم غسيل الاملاح (مهم )
-الزراعة على عمق مناسب ليس بمعني
×مينفعش نردم على قلب الفسيلة ونخلي مياه الري توصله ده هيسبب تعفن قلب النخلة وتموت .
× مينفعش نزرع زراعات عاليه قوي تسقط بسبب الرياح والعوامل الجوية.
– تكبيس ما حول الفسيلة بالقدم لإخراج الهواء الموجود

عمل جورة مناسبة حول الفسيلة لتمنع هدر المياه وتوفر الرطوبة المناسبة حول الفسيلة
ويتم الري يوميا لمدة 40 يوم للمحافظة على نسبة الرطوبة حول الفسيلة
– برنامج مكافحة فطريات رشه كل 15 او 20 يوم فطري لمحاربة الأعفان
-مع الاهتمام بتسميد الفولفيك والهيوميك ومنشطات الجذور وروافع الأجهاد مثل الطحالب البحرية

ل تحميل وقراءة كتاب زراعة وانتاج النخيل